Beginilah asal usul nama-nama keturunan Guru Mangaloksa

Beginilah asal usul nama-nama keturunan Guru Mangaloksa (dalam bahasa batak toba).

HUTABARAT
Ia dung manang sadia leleng dung maporus simatuana i, tubu ma anak ni Guru Mangaloksa, dibahen ma goarna "si Raja Nabarat." Ala nabarat do roha ni pambahennna mangalele simatuana.

PANGGABEAN
Dung i mamungka huta ma Guru Mangaloksa dingkan topi ni batang aek Situmandi na margoar Lobusilindung.
Tubu ma muse anak ni Guru Mangaloksa, jadi ninna rohana ma : "Nang pe barat hubahen tu hulahula, gabe do iba." Dibahen ma goar ni anakna i "si Raja Panggabean."

HUTAGALUNG
Dung i dipungka nasida ma pabidangkon hauma nasida, dirabi nasida ma angka arung na tubu di rura i mambahen hamu galung. Di tingki i tubu anakna patoluhon, dibahen goarna "si Raja Hutagalung."

HUTATORUAN/Lumbantobing
Dung i lam dipabidang ma lolona di tano i, jadi dipungka ma muse hutana dingkan toruan ni aek Situmandi. Tubu ma muse anakna paopathon. Ia dung tubu anakna i didokma niolina i ma : "Si Raja Hutatoruan ma tabahen goar ni on!"
Alai didok Guru Mangaloksa ma : "Si Raja Lumbantobing do bahenon goarna, ai tobing aek hita nuaeng maringanan!"

(Rujukan : W.M. Hutagalung; 303; 1991)

Mangihuthon sejarah na asing hot do goarna si Raja Hutatoruan jala dua do anakna i ma si Raja Hutapea dohot si Raja Lumbantobing.

HORAS!

Beranda | Hutagalung | Hasibuan dan PGM | Profil | Silsilah | Lagu Mars | Galery Photo | LOGO | Info Politik | Lain - Lain | Link Cyber | About Us